今日第一次寫blog! 親住食飯未夠鐘開工偷懶一下!
今次起呢個blog, 其實就係為咗"佢"... "佢"係邊個, 我老公? 呵呵呵... 係我個小BB呀! 我上個月第一次同佢有接觸, 係超聲波之下發現咗"佢", 阿B仲好細, 只係得0.9cm大... 我上網見其他人的B差唔多咁多個week大好似大o的喎, 不過好在醫生又無話佢有問題, 只係話"唔, 依家太細咩都見唔到, 你見到呢粒米就係阿B啦"... "你見到閃閃下呢度就係佢個心".. 都好, 心仔開始形成, 係好開始, 健康第一步呀!!
依家暫時身體好似都okay, 但就成日都好易累 (尤其係公司.. ) 成日中午都好想訓覺, 但係又唔得... 食完o野又好似好想嘔 , 飲多o的水又想 , 個肚一空又想 , 見到o的唔鍾意食的又想 , 聞到少少嗅o野又想 , 煩死, 攪到成日都無晒mood! 到放工又好累, 每次上巴士都訓得著, 好在係尾站落車咋! 最衰老公成日都超多o野做, 如果佢可以早o的放工返屋企煮飯都好lu...
差o的唔記得講, 上星期買咗o的大肚婆under 同一件返工褲, 駛咗成二千蚊... , 睇到眼到突埋! 超貴!! 不過都係one-off 既, 算啦, 第時搵阿B俾返我! 哈哈!
夠鐘開工, 下次再講!
